by La lista Niça Frònt Popular (NiFP) que si presenta ai eleccions municipali a Niça, e dins la quala participa l’Assemblada Occitana País Niçard, prepaua desenant una version bilingüe francés/occitan niçard dau sieu sit Internet de campanha.
D’efiech, esquasi l’integralitat dei sieus pàginas e articles son aüra disponibles en occitan niçard, au costat de la version francesa. Aquela causida es pas solament simbolica: es un acte politic e culturau fòrt, que marca la volontat de reconóisser e de valorizar la lenga occitana de Niça dins l’espaci public.
Per NiFP, la preséncia de l’occitan niçard sus lo sit oficiau de campanha representa:
- Un engatjament clar en favor de la diversitat linguistica;
- Una volontat de restituir sa plaça legitima a la lenga dau país;
- Una afirmacion de l’identitat occitana e mediterranèa de Niça.
Dins un contèxte dont la lenga e la cultura niçardi son tròp sovent marginalizadi, aquela iniciativa mòstra qu’una politica ambicioa per la lenga occitana es possibla dins lo quadre municipau. La defensa e la promocion de l’occitan niçard fan partida integrala dau projècte democratic, sociau e ecologic portat per NiFP.
Niça Frònt Popular afortisse ensin que la democracia participativa passa tanben per la restauracion de la dignetat de la lenga occitana. Per una vila dubèrta, plurala e fièra de la sieu istòria.
