by Despí d’annadas, Niça patisse una politica vergonhosa de rebatejaments de carrieras en omenatge a de personalitats qu’an ren de veire amb la nòstra vila, e que sovent la desonoran.
Lo darrier escàndol en data es lo projècte dau cònsol Crestian Estrosi de dedicar lo futur parvís de l’Ostalaria dei Polícias municipala e nacionala a Nicolas Sarkozy.
Trobam aquò:
- Injustificat: i a pas minga ligam entre Sarkozy e Niça.
- Infamant: s’agisse d’una personalitat politica fòrça controversiada, condemnada per associacion de maufatans en relacions amb lo regim Kadhafi.
- Nepotista: aquela decision sembla pas que lo resultat de copinatge partisan, lu personatges estent de la mesma familha politica que lo cònsol.
E mai, aquò s’inscriu dins una seria d’atacs simbolics còntra la memòria nissarda:
- 2019: la Carriera de l’Òpera venguèt Carriera Jaume Medecin.
- 2019: lo Cai Cassini venguèt Cai Napoleon Ièr.
- 2020: la Carriera de la Ciutat dau Pargue venguèt Cors Jacme Chirac.
Aüra basta!
N’i a pron d’aquelu cambiaments de noms vergonhós, expression evidenta de l’arrogància jacobina còntra la nòstra vila e la nòstra istòria. Demandam lo retorn ai apellacions precedenti!
Per lo cas dau Cai Napoléon Iʳ, revendicam lo retorn au sieu nom precedent (Cai Cassini) ò lo cambiament suggerit per la República de Nissa (Cai Garibaldi).
