by L’Assemblada Occitana País Niçard anóncia la sieu decision de s’associar a la lista Niça Frònt Popular emb Mirelha Damiano per li eleccions municipali dau 2026 a Niça.
Aquela participacion rebate una volontat de sortir dau quadre exclusivament folclorica e localista dins lo quau es embarrat l’occitan niçard, una lenga viva, modèrna e dubèrta a l’internacionau. Volèm restablir la sieu dignetat per una politica lingüistica ambicioa, incluent:
- L’espandiment dau sieu usatge dins lu espacis publics e lu servicis municipaus,
- Lo refortiment de la sieu transmission a travèrs l’educacion, li activitats de la joventura e lo sosten a la creacion culturala,
- La preservacion dau sieu patrimòni per un trabalh de collectatge,
- La sieu promocion coma motor civic, economic e toristic en ligam amb d’autri regions occitani.
Convençuda que la defensa e la promocion de l’occitan niçard contribuisse a la coesion sociala e a l’expression d’una identitat locala dinamica, l’Assemblada Occitana País Niçard portarà la sieu perspectiva a un programa orientat sus la diversitat culturala, la justícia sociala e la participacion ciutadana.
Siam aürós de rejónher la lista Niça Frònt Popular per portar l’ensemble dei propòstas concreti en favor dau niçard.
Niça Frònt Popular es una lista de senèca alternativa que rassembla lu partits e collectius:
- La França Insosmesa (LFI)
- Viva!
- Ensemble06
- Lo Novèu Partit Anticapitalista (NPA)
- Lo Partit de Senèca
- Verd L’Avenir
L’Assemblada Occitana País Niçard apèla li abitantas e lu abitants de Niça a votar per Niça Frònt Popular, una lista que s’engatja dins la construccion d’un projècte municipau qu’afortisse la plaça dau niçard tot en respondent ai escomessas sociali e economiqui actuali.
